ЧУДО ВО ПРИЛЕП – МИРОТОЧИ ИКОНАТА НА СВ. НИКОДИМ ТИСМАНСКИ (ПРИЛЕПСКИ)

На 07.04.2015 г, кога го празнуваме Благовестието на Пресветата Богородица, во храмот „Св. Благовештение“ во Прилеп, митрополитот Преспанско-Пелагониски г. Петар, во сослужение со митрополитите Тетовско-Гостиварскиот Јосиф и Кумановско-Осоговскиот Јосиф, и епископот Хераклејски Климент, заедно со свештенослужителиот од истиот храм, отслужи божествена Литургија, на која го објави чудото кое се случило со иконата на св. Никодим Прилепски.Иконата на Свети Никодим Прилепски и Тимански почна да мироточи. Станува збор за икона која е копија на иконата зографисана во Зрзевската иконописна школа, од страна на монахот Тихон. Копијата е изработена од страна на чтец Стеванче Тодороски, прислужител во храмот св. Благовештение. Мироточењето е забележано на 30.03.2015, а на Цветници почна да благоуха – се работи за неколку капки, кои во почетокот беа мали, но со текот на времето се зголемуваа сè повеќе и повеќе. Ова е прва икона на преподобниот Никодим Прилепски и Тисмански, која мироточи во градот Прилеп. Благата вест за мироточењето на иконата, пред верниците, беше објавено на храмовата слава од страна на Неговото Високопреосвештенство митрополитот Преспанско – Пелагониски г. Петар. Со светата Божествена Литургија чиноначалствуваше митрополитоп г. Петар, во сослужение на митрополитот Тетовско – Гостиварски г. Јосиф, митрополитот Кумановско – Осоговски г. Јосиф и епископот Хераклејски г. Климент. Веднаш после литургијата иконата беше поставена во средината на храмот, пред која се поклонија најнапред свештенослужителите, а потоа и многубојниот народ.