МАКЕДОНИЈА-БИБЛИСКА ЗЕМЈА

Црквата Св. Троица во населбата Црногорци во Охрид, неодамна значително ја збогати својата ризница со свети мошти од неколку светители добиени на подарок од манастири во Македонија но и соседна Грција. Во ризницата на овој божји храм помеѓу останатите се наоѓаат свети мошти на Светиот Игнатиј Богоносец.  Мошти на Св. Игнатиј Богоносец Во текот на минатиот месец исто така храмот на подарок доби свети мошти на Свети Ефтимиј Велики од манастир Лешани во Охридско по благослов на  неговото преподобие, игуменот на Лешанскиот манастир, јеромонах Вартоломеј.  свети мошти на  Свети Ефтимиј Велики Во храмот од 2016 година се наоѓаат и мошти од  Св. великомаченик Емилијан Доростолски кои пристигнаа од Атина, Грција. Најавено е дека овие свети мошти ќе бидат изложени пред верниот народ  на 30ти наспроти 31ви јули по повод празникот на Св. великомаченик Емилијан Доростолски.

Македонците во Австралија на вчерашната богослужба на денот на кој се празнува споменот на новопрославениот светител Св. Гаврил Светогорец, епископ Велички имаа можност да се поклонат на неговите светите мошти . Честички од неговите свети мошти се наоѓаат во Австралија, откако Митрополитот Брегалнички г. Иларион и игуменот на Лесновскиот манастир, Архимандритот Дамаскин му ги подарија на Архимандритот Гаврил при неговата посета во Македонија. -Ја користиме оваа прилика да му се заблагодариме од името на цела Македонска заедница во Австралија на Митрополитот г. Иларион, како и на Архимандритот Дамаскин за дарението на светите мошти. Голема беше радоста кај присутните верници кога Архимандритот Гаврил го отвори кивотот со свети мошти. Благоуханиети беше присутно и верниците кои се поклонија се исполнија со благодат. Архимандритот Гаврил одржа свое пригодно слово, во кое меѓу другото нагласи дека светиот Гаврил Светогорец, епископот Велички, големиот испосник и подвижник од нашето